KRISTIAN RAYAKA KAT IWAIA
Bapi bûi bîla kaiki kaia sa
¿Gâd Kingka Lâka ba balbia dukiara piu an yawan bîla kaikisa? ¿Trabil bâra kabia sin bapi bûi bîla kaikisa ki? (Ro 8:25). Kristian kum kum ra misbara kaiki ba mapara bapi buisa, rau munan lâka ba mapara, silak ra dingkisa bara witin nani ra ikaia munan sa. Wala nani siknis karna kum tâka pât wahwisa apia kaka almuk takan ba mita.
¿Dîa takbia kra sin yawan dîa daukaia sip sa bapi bûi bîla kaiki kaia dukiara? Baibil aisi kaiki bara bahara dîa wi ba tihu luki kaiki wan kasak lukanka lâka ba karna daukaia sa, bara wan bîla kaikanka ra ban luki kaia sa (2Ko 4:16-18; Hib 12:2). Baku sin Jehova ra makabaia sa ai spiritka holikira wal karnika wankbia (Lk 11:10, 13; Hib 5:7). Wan Aisa latwankira ba hilp wan munbia wihka bîla kaikanka bara lilia lâka wal bapi bûi kaia dukiara (Kol 1:11).
SWAPRAS BAN PLAPI KAIA SA: PRISANTKA BA YAWAN BRIBIA LUKAIA SA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Dîa trabilka nani ban wina wan takaia sip sa? (Smas 9:11, 12).
¿Nahki pura sunra ba hilp wan munisa yawan trabil brisa taim?
Jehova warkka ra pas piua baku naiwa diara ailal sip daukras sa kaka, ¿dîa muni pain kabia lukaia ani dukia nani lika daukaia sip ba?
Prisantka yawan win takbia ba luki kaia sa.
¿Man ra dîa hilp mai munisa prisantka ba win takma ba kasak luki kaia dukiara?