Yawan silp Baibil stadika ba wina kau yamnika sakaia sip sa

DÎA MUNI TÂNKA TARA SA. Yawan silp Gâd Bîla ba stadi munisa taim, Baibil tânka kasak “yahpika ba, yarika ba, tihuka ba, purara ba” klir kaikisa (Epe 3:18). Baku sin hilp wan munisa pâtkas kaia bara mistik âpu kaia naha tasba saurka lâka bri ba tilara, bara “raya kaia sturka yamni” ba karna alki briaia hilp wan munisa (Pil 2:15, 16). Yawan silp Gâd Bîla stadi munaia ba, chans wankisa ani smalkanka pali yawan nit ba wahbi sakaia. Baibil aisi kaiki bara stadi munisa taim, ¿nahki muni yawan sip sa wan taimka pain yus munaia?

NAHKI DAUKAIA.

• Ani Baibilka stadi munaia dukiara yus muni ba ra, bors nani ba mark munaia sip sa bara ulbanka sirpi nani sin daukaia, wauhkataya ra apia kaka formato electrónico ra brima sin.

• Aisi kaiki ba ra, wan sinska ra naha makabi walanka nani ba ansa munaia sip sa “ya”, “dîa”, “anira”, “ahkia”, “nahki” bara “dîa muni”.

• Tânka nani sut ba pliki asla daukaia sa. Smalkanka pali kum plikaia sip sa apia kaka bors pali kum, bara plikaia tnatka nani bri ba wal daukaia sip sa.

• Yawan silp dîa aisi kaiki ba aman luki kaikaia sa, bara baku wan wîna kat nahki baha smalkanka yamni wan muni ba kaikaia sip kabia.

• Yawan dîa stadi muni ba, wan rayaka ra yu bani alki daukaia sa (Lk 6:47, 48).

YAWAN SILP BAIBIL STADIKA BA HILP WAN MUNISA GÂD BÎLA BA KAU KASAK LUKAIA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Muihni, lakri kum kum ba silp Baibil stadika dukiara dîa luki banhwisa ki?

• ¿Dîa muni kau stadi takras kainara wan pura sunaia sa ki?

• ¿Dîa sip sa hilp wan munaia Baibil tikska kum kau pain wan tânka briaia dukiara?

• ¿Nahki tnatka ra mark munaia sip sa stadi takaia Baibilka yawan yus muni ba?

• Gâd Bîla ba yawan stadi munisa taim, ¿dîa muni diara tara sa aman luki kaikaia?

• ¿Yawan dîa daukaia sa diara nani lan taki ba wal?