KRISTIAN RAYAKA KAT IWAIA
Naha dukia nani ra piu bani luki banhwi bas
¿Yawan dîa dukia nani piu bani lukaia sa ki? Pilipai 4:8 ba wan wisa diara kunin apia nani ba yawan lukaia sa, baku sin diara wapni nani ba, diara kasak nani ba, diara sunu nani ba, diara nani latwan lâka mariki ba, lâ pain bri dukia nani ba, daukanka yamni nani bri ba bara kulkanka bri dukia nani ba sin lukaia sa. Naha na tânka apia sa yawan kristian nani ba, eni minit Baibil tânka ba dukiara luki kabia. Sakuna, yawan dîa luki ba Jehova yamni kaiki dukia nani ba baman kaia sa, wan kasakka lâka sauhki dukia nani ba lika lukaia apia sa (Law 19:14).
Lukanka saura nani mapara buaia ba isi apia sa. Yawan mistikkira sa, bara baha mapara aiklabaia sa, bara Sitan mapara sin, kan witin ba “naha tasba gâdka” sa (2Ko 4:4). Witin naha tasba na ai mihta ra brisa baha mita televisan, radio, Internet apia kaka wauhtaya ra diara ailal saki ba Jehova lâka nani ba mapara sa. Wan sinska ra dîa dingki ba yawan aman kaikaia sa, kan baha ba wan lukaia tnatka ba chens munisa, bara tawa tawa wan daukanka nani ba sauhki kabia (Je 1:14, 15).
YAWAN JEHOVA RA KASAK KAIA MAPARA DIARA NANI WAN SAUHKI BA DAUKAIA APIA: LILKA TÂSKI NANI KAIKAIA APIA LILKIKA KAIKBIA NINGKARA, NAHA MAKABI WALANKA NANI LAKI KAIKS:
¿Muihka ba ai celularka ra dîa kaiki kan ki, bara baha ba nahki witin ra saura muni kan?
¿Galesha 6:7, 8 bara Lawana Nani 119:37 ba nahki witin ra hilp munan ki?