Jehova upla klin nani ra latwan kaikisa

Aisa bara yapti ailal ba ai luhpia nani ra smalkisa ai mihta sikbaia, yapaia pliska ba klin munaia, utla ba pahbaia bara diara tâski ba asla dauki lulkaia, kan witin nani want sa ai luhpia nani klin kabia. Sakuna, klin lâka smalkanka playa ba wan Gâdka wina sa, kan witin sika holi (Imp.St 30:18-20; Kli S 23:14; 2Ko 7:1). Wan wîna tara bara wan dukia nani ba klin brisa taim, Jehova ra prana yabisa (1Pi 1:14-16). ¿Wan watla bara lata tani ba nahki sa ki? Upla kum kum ba diara tâski yabal nani ra bara parque nani ra lulkisa, sakuna yawan kristian nani ba trai munisa wan tasbaya ba klin briaia (Law 115:16; Par.M 11:18). Baku sin, diara damni taya nani ba, diara laya pânka nani, apia kaka chicles nani ba anira lulki ba yawan marikisa klin lâka dukiara dîa luki ba. Yawan diara sut dauki ba tilara “Gâd dukia dadaukra” nani kaia want sa (2Ko 6:3, 4).

GÂD UPLA KLIN NANI RA LATWAN KAIKISA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Upla nani dîa wisa ai dukia nani klin briaia apia dukiara?

• ¿Moses Lâka ba ra nahki marikisa Jehova lukanka ba klin lâka ba dukiara?

• ¿Yawan turi aisaras kabia sin nahki sip sa Jehova ra prana yabaia?