Smalkaia warkka kau pain daukaia sip sa: Smalkankam ba chens muns

DÎA MUNI TÂNKA TARA SA. Batana laikan nani ba bara sîp wala nani sin upla sâtka sut ra paiwisa “raya kaia laya ba mana luha dibia” (Par.M 22:17). Maprika lilka laya ba nahki Jehova mita bîla wali uplika nani ra saurka bara prura wina swaki sakan hilpka yaban ba tânka sa. Upla nani iwanka tnatka sât sât bara rilidian sât sât bri ba ra hilp munaia dukiara, yawan “ban kaia ra smalkanka” ba isi yabaia sa upla kumi bani walan daukbia dukiara (Par.M 14:6).

NAHKI DAUKAIA

• Smalkanka lalka bara Baibil tikska kum wahbi saks upla nani kupia kat dimbia dukiara smalkisma pliska ba ra. Nahki upla wala ra smalkaia marikanka nani wina kum wahbi sakaia sip sma, apia kaka tnatka yamni kum yus munram ba wina sip sma upla ra aisaia. ¿Ani smalkanka lalka, apia kaka ani tikska nani upla kau walisa ki? ¿Bisi taim upla nani ba dîa sturka dukiara kau aisisa ki? ¿Waitna nani ba dîa dukiara aisan daukisa ki? Bara ¿mairin nani ba dîa aisan daukisa ki?

• Iwisma pliska ra upla wal aisisma taim, upla iwanka tnatka bara nahki lakula yabi ba dukiara luks (2Ko 6:3, 4).

• Smalkaia hilpka nani tilara ulbi sakanka bara lilka nani ba pain kakaira taks, baku lika walan daukbia uplika nani ra marikaia sip kama.

• Smalkisma pliska ra upla ani bîla aisi ba kat ulbi sakanka nani bara lilka nani alahbaia sip sma.

• Upla dîa smalkanka walaia nit ba kat aisankam ba chens muns (1Ko 9:19-23). Nahara luks, upla wal aisisma bara witin mai wisa ai uplika kum pruan ba piu wiria luan sa, nanara ¿man dîa wima ki?

LILKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Smalki tataukra ba dîa smalkanka lalka wal tâ krikan ki?

• ¿Utla dawanka ba ai rayaka ra dîa trabil bri kan ki?

• ¿Ani tikska kau pain kan baha trabilka dukiara, bara dîa muni?

• Smalkisma pliska ba ra upla wal aisisma taim, ¿nahki smalkankam ba chens munisma ki upla walan daukbia dukiara?