¿Lawana raya nani wina yawan dîa lan takaia sip sa ki?

¿JW Broadcasting^® ra lawana raya nani taki ba wina ani ba kau laik kaikisma ki? ¿Dîa muni? ¿Man lukisma miusik lilkika nani ba wan rayaka ra dîa taki ba pain marikisa? Miusik tânka ailal bâra sa bara tiunka sât sât tila ba wina yawan kau laik ba walisa. Sakuna lawana raya nani bara lilka nani ba lilia takaia dukiara baman apia sa.

Lawana raya nani sut ba wan rayaka bara smalkaia warkka yawan dauki ba dukiara lisin ailal brisa. Lawana kum kum ba muihni bara lakri nani wan watla ra yamni briaia dukiara aisisa, asla lâka ra kaia, pâna lâka marikaia, kupia karna lâka, latwan lâka bara kasak lukan lâka ba sin wan smalkisa. Lawana wala nani ba Jehova wal kli asla kaia dukiara aisisa, upla nani ra padin munaia, yu bani kasakkira kaia bara Gâd warkka ba tnatka raya nani ra daukaia. Baku sin lawana kum wan smalkisa celular ba pitka kat yawan yus munaia. ¿Man ba lawana raya nani walisma ba ra dîa lan takram sa ki?

PIUA BA BAILA PALI SA MIUSIK LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Marit nani almuk ba dîa pramiska dukiara lukisa ki? (Bla.S 12:3).

• ¿Yawan dîa daukaia sip sa ki Jehova pramiska nani sut aimakbia ba kau kasak lukaia dukiara?

• ¿Naika piua baila ba ra yawan ba ya nani ra kli kaikbia ki?

• ¿Gâd Kingka Lâka pramiska nani ba nahki hilp wan munisa naiwa piua trabilka tara nani ba mapara bapi bûi kaia? (Ro 8:25).