¿Yaura sin paiwanka kum yabaia sip sna ki?

Mani bani, Jisas pruan kupia kraukanka ba piua ra upla nani ra paiwisa yawan wal asla taki wan kupia kraukbia. Upla aihkika nani yawan paiwi ba kakaira apia sa. Sakuna, wan kakairika nani ra sin yawan paiwaia sa. Kan upla nani ba kakaira kum mita paiwisa taim, ban kra kau wilin sa waia (yb08-S 11 baiki s. 3; 14 baiki s. 1). ¿Ya nani ra sin yawan paiwaia sip sa ki?

• Wan taya nani ra.

• Wark pânika, apia kaka skul pânika nani ra.

• Wan lamara iwi uplika nani ra.

• Wih kaiki uplika nani, Baibil stadi tatakra nani, apia kaka pas taim Baibil stadi taki kan nani ra paiwaia sip sa.

Baku sin, kangrigisan almukka nani ba muihni bara lakri nani pat aihwa smalki taukras ba ra paiwaia sa. Bara kakairikam kum laihura iwi ba ra paiwaia want sma kaka, ¿dîa daukaia sip sma? Witin iwi pliska lamara, Jisas pruan kupia kraukanka anira daukbia dairiksanka ba pliki sâks, bara awarka ba sin.