¿Jisas Pruan Kupia Kraukanka dukiara ridi sma ki?

Insal Luan Yua las Jisas bribia ba sât wala takai kan. Kan Jisas ba tisku pruai kan. Baha tihmika ra witin want kan ai apastilka nani aikuki Insal Luan Yua ba kulkaia bara Dawan Tutnika Pata ba bapaia. Baha mita Pita bara Jan ra makaban rum kum ridi munbia (Lk 22:7-13; wauhkataya mawanra lilkika ba kaiks). Baha ba wan kupia kraukisa yawan sin marzo katka 27 yua Jisas Pruan Kupia Kraukanka dukiara ridi daukaia sa. Kangrigisan nani ba ya aisanka yabuya, ya brit bara wain brih wabia bara diara wala nani dukiara pat wahbi sakan sa. Sakuna, ¿baha yua ra ridi kaia dukiara yawan kumi bani ba dîa daukaia sip sa?

Wan kupia ridi dauks. Jisas Pruan Kupia Kraukanka dukiara Baibil aisi kaiki laki kaikpi. Aisi kaikaia dukiara programka ba Examinemos las Escrituras todos los días wauhkataya ra sâkma. Baibil stadi takaia hilpka bukka lupia pîska 16 ra, baku sin Ridi takaia wauhkataya abril katka 2020 ra programka aiska pali ba bâra sa. Pamali baku atki sakan lâka tânka ba laki kaikaia want sa kaka, Índice de las publicaciones Watch Tower bara Guía de estudio para los testigos de Jehová ra kau tânka pliki sakaia sip sa.

Upla wala ra paiws. Jisas Pruan Kupia Kraukanka ra paiwaia warkka ba wilinkira tâ baiks. ¿Yaura paiwaia sip sa? Ban kra kli wih kaiki uplika ra, Baibil stadi yabi kan uplika ra, wan pamalika ra bara kakaira nani ra. Kangrigisan almukka nani ba spirit lainka ra kauhla takan nani ra paiwaia sa. Upla kum wan tawanka ra iwras kaka, awarka bara pliska witin tawanka kat Jisas Pruan Kupia Kraukanka dauki ba jw.org ra pliki sakaia sip sa. Pas wahia ra WAN WARKKA wi ba ra dims, ningkara “Jisas Pruan Kupia Kraukanka” wi ba ra dims.

¿Ridi kaia dukiara kau dîa daukaia sip sa?