Smalkaia warkka kau pain daukaia sip sa: Upla blain nani ra smalks

DÎA MUNI TÂNKA TARA SA. Upla blain ailal ba kakaira apia uplika kum wal turi aisisa taim, pain ai dara walras sa. Baha mita, witin nani ra smalkaia dukiara nahki pliki sakaia nu kaia sa. Jehova upla blain nani ra luki bara latwan kaikisa (Lib 19:14). Jehova dîa dauki ba yawan mita nina blikaia sa, upla blain nani ra hilp muni Gâd ra kakaira takbia.

NAHKI DAUKAIA

• Upla blain nani ra mahka plikaia (Mt 10:11). ¿Upla kum ai pamalika tilara upla blain bâra ba, man kaikisma ki? ¿Smalkisma pliska ra skul nani bâra sa ki, upla takaski watla tara nani, apia kaka asla takanka wala nani ba upla blain dukiara ulbi sakanka nani briaia want ba?

• Witin nani ra lukisma ba mariks. Man pâna lâka ba mariks bara witin ra rait lukisma ba sin, bara baku upla blain ba man wal pain ai dara walbia. Tawan ra upla nani dîa tânka kau nu takan dauki ba dukiara aisas.

• Witin nani ra hilp muns Jehova ra kakaira takbia. Pain kaikras uplika nani ba dukiara, asla takanka ba formato sât sât ra ulbi sakanka ailal paski sakan sa, bara baku witin nani lan takaia sip sa. Upla blain ba ani formatoka ra kau lan takaia want ba makabi wals. Ulbi sakanka yabi hilp mamunra uplika mita baha formatoka nani makabaia sa kangrigisan ra blîkbia, bara baha makabanka ba smalkaia warkka pura kakaira ba tâ baikaia sa, blain uplika ba formatoka pali ba bribia dukiara.