Upla aihkika nani dîa dauki ba yawan nina blikaia apia sa

23:1-3

Patitara piua ra upla lâka dauki kan taim, wihta bara witnis nani ra Jehova kupia kraukanka yabi win upla ailal dîa aisi kan ba bîla walaia apia, kan diara kunin bara tânka wahra kat upla lâka daukaia sip kan. Sakuna upla aihkika nani dîa dauki ba yawan daukras taim, wan rayaka ra tnatka wala ra sin hilp wan munaia sip sa. Baku daukaia ba pain sa, kan nawas piua ra upla nani ba taibi wan munisa witin nani baku luki bara diara nani daukaia (Ro 12:2).

¿Dîa muni upla aihkika ba nina blikaia pain apia sa...

• ... upla nina aisi bara turi kum rait sapa yawan nu âpu ba walisa taim?

• ... wan kwalka sâtka dimi, wan tâwa skahki ba tnatka bara dîa wal lilia taki taim?

• ... upla nisanka, iwanka tnakta bara lalah an bri ba dukiara lukisa taim?