Jehova lawi daukanka ba tâ baiki, wan latwanka lâka ba marikpi

Kangbi sakan lâka ba kangrigisan ra kaina kahbisa bara lawi daukan lâka ba ai kupia lakras uplika ra hilp munaia sip sa (1Ko 5:6, 11). Yawan Jehova lawi daukanka ba tâ baikisa taim wan latwanka lâka marikisa. Sakuna ¿baha nahki sip sa upla kum ra kangbi sakan ba mita ai pamalika bara lâ bapaia daknika ra sari lâka yabisa kaka?

Pas ba, Jehova nina bara ai lâka holikira nani ra latwan lâka bara kulkan lâka marikisa (1Pi 1:14-16). Baku sin, kangbi sakan uplika ra latwan lâka marikisa. Lawi daukanka karna ba sari lâka yabisa, kuna sip sa “rayaka wapni bara kupia kumi lâka rayaka brih iwi kaia mana ba saki yabisa” (Hib 12:5, 6, 11). Kangbi sakan uplika apia kaka wan asla takanka wina silp dakwi takan uplika wal ban asla sa kaka, yawan Jehova mihta ra swiras sa witin ra lawi daukbia. Kupiam krauki bas, Jehova ai uplika ra lawi daukisa ai pitka kat (Jir 30:11). Kangbi sakan uplika Aisa latwankira ra kli taubia yawan bîla kaiki ba ra, Jehova lawi daukanka ba tâ baikaia bara Jehova warkka ban dauki kaia (Ais 1:16-18; 55:7).

KUPIA KUM JEHOVA RA KASAK BARA AISKA PALI BA LILKIKA KAIKBIA NINGKARA, NAHA MAKABI WALANKA NANI LAKI KAIKS:

• 

  ¿Aisika bara yaptika ba nahki ai dara walisa ai luhpia kum Jehova wina laihura takisa taim?

• 

  ¿Kangrigisan ba pamalika ra nahki hilp munaia sip sa?

• 

  ¿Ani Baibil sturka ba marikisa Jehova ra kasak kaia ba kau tânka tara brisa wan pamalika ra kasak kaia ba wal?

• 

  ¿Yawan nahki marikaia sip sa wan pamalika ra kasak kaia purkara Jehova ra kau kasak sa?