SMALKAIA WARKKA RA KAU RIDI KAIA | SMALKAIA WARKKA RA KAU LILIA KAIA
Praki kaikanka nani wal smalkaia
Yawan kli wih kaikisa taim apia kaka Baibil stadika yabisa taim, upla nani ra hilp munaia nit sa lukanka tara nani ba tânka bribia. Yawan praki kaikanka nani yus munisa kaka, smalkanka ba ai kupia ra dimbia bara dîa lan takan ba ai auya tiwbia apia.
Kli wih kaikanka kum apia kaka Baibil stadika kum dukiara ridi takisma taim, laki kaiks dîa aisaia want sma ba tilara ani ba lukanka kau tara sa bara ani ba uya aisaia nit apia sa. Ningkara praki kaikanka nani isi bara upla nani ai rayaka ra kakaira dukia ba wahbi sâks (Mt 5:14-16; Mk 2:21; Lk 14:7-11). Uplika ba dîa pat nu ba dukiara luks, dîa sât rayaka bri ba ra sin luks (Lk 5:2-11; Jn 4:7-15). Uplika ba smalkanka kum pain ai tânka bri, ai mawan lilia taki ba kaikma taim, man uba lilia damra walma.
DISAIPIL DAUKI YAWAN LILIA SA—SMALKAIA WARKKA KAU PAIN DAUKAIA—PRAKI KAIKANKA NANI WAL SMALKAIA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Dîa muni upla nani ba Baibil tikska nani tânka briaia dukiara hilpka nit kabia?
Roman 5:12 tânka marikaia dukiara, ¿Rita ba dîa praki kaikanka yus munan?
Praki kaikanka pain nani ba upla kupia ra dimisa.
¿Praki kaikanka pain nani ba upla nani ra nahki hilp munaia sip sa?
Jehova asla takanka mita ridi daukan lilka nani bara smalkaia tulska nani ba ¿dîa muni yawan yus munaia sa?