LISIN 8

Praki kaikanka nani wal smalkaia

Matiu 13:34, 35

BÎLA PRAHNI RA: Mai wali nani ba kau walaia want kabia dukiara, praki kaikanka isi kum wal smalkankam ba kau pain dauks, bara diara tânka tara bri nani ba smalkaia.

NAHKI DAUKAIA

Praki kaikanka isi nani wahbi sâks. Jisas baku dauks: upla nani ai rayaka ra diara kakaira ba dukiara tnatka isi ra aisas, baku ani smalkanka karna sa kaka tânka bribia. Praki kaikanka ba pîs kum karna sa kaka baha pîska yus munpara. Mai wali nani ra lal blakaia apia sma, praki kaikanka ba smalkanka yabisma ba wal wilkanka bri kaia sa.

Diara sut kaiks. Tnamya kir ra dîa bâra ba kaiks, wan ulbi sakanka nani stadi taks bara smasmalkra kau pain nani wina lan taks. Ani praki kaikanka yus munaia lukisma ba wauhtaya kum ra ulbi bri bas, bara baku smalkankam ba kau pain kabia.
Mai wali uplika nani ra luki bas. Upla nani dîa warkka dauki ba wina praki kaikanka kum wahbi sâks, apia kaka ani tânka kum kau laik ba dukiara prakanka ba wahbi sâks, sakuna saura ai dara wali bara ai kupia sauhkbia sâtka lika apia.
Tânka tara bri pîska ba klir mariks. Lukanka kau tânka tara bri nani ba marikaia dukiara praki kaikanka yus muns, lukanka sirpi nani ra lika apia. Trai kaiks mai wali nani ba pain ai kupia kraukbia dîa tânka smalkisma ba, praki kaikanka ba baman apia.