SMALKAIA WARKKA RA KAU RIDI KAIA | SMALKAIA WARKKA RA KAU LILIA KAIA
Smalkanka ba upla kupia kat dimbia
Gâd ra bîla walaia ba kupia wina balisa (S.L 3:1). Baha mita smalkisa taim, trai munaia sa wan wali uplika nani kupia kat dimaia. ¿Nahki daukaia sip sa?
Man stadi tatakrikam ra dis Baibil tânka kasak nani smalkaia baman aitani apia sa. Hilp muns witin kaikbia dîa lan taki ba ai rayaka ra bara Jehova wal pânika lâka bri ba ra nahki hilp munisa. Tânka mariks nahki Baibil lâka nani ba Gâd latwanka lâka, kupia yamnika bara kasakka lâka ba marikisa. Latwan lâka wal makabi walanka nani dauks. Baku tnatka ra witin dîa lan taki ba ra luki kaikaia sip kabia. Hilp muns witin luki kaikbia Jehova dîa misbara kaiki ba swibia kaka, nahki ai rayaka ba pain takaia sip sa. Baibil stadi tatakrikam ba ai kupia aiska ni Jehova ra latwan kaiki ba kaikma taim, man kau lilia damra walma.
DISAIPIL DAUKI YAWAN LILIA SA—SMALKAIA WARKKA KAU PAIN DAUKAIA—SMALKANKA BA UPLA KUPIA KAT DIMBIA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Rita ba dîa muni Coral ra makabi walan martes dîa aisan kan ba ra luki kaikan sapa?
¿Rita ba Coral ra nahki hilp munan nu takbia Jehova lâka nani ba witin ra latwan kaiki ba marikisa?
Wan stadi tatakrika nani kupia kat dimbia kaka, witin nani wilinkira kabia Jehova warkka daukaia.
¿Coral ba Jehova ra latwan kaiki ba marikbia dukiara Rita ba nahki kupia bukan ki?