SMALKAIA WARKKA RA KAU RIDI KAIA | SMALKAIA WARKKA RA KAU LILIA KAIA
Stadi tatakra nani ra hilp muns daukanka tâski nani swiaia
Jehova wal pâna lâka pain kum briaia dukiara, stadi tatakra nani ba ai daukanka tâski nani swiaia nit sa (1Pi 1:14-16). Baha pura lubia kaka, ai pamalika bara ai wîna tara ra yamnika nani bribia, baku sin lalah lainka ra sin pain wabia.
Jehova smalkanka nani ba, witin dîa muni baha wan makabi ba, bara bîla walbia kaka dîa yamnika nani bribia ba stadi tatakrikam nani ra klir tânka mariks. Lukaia tnatka nani chens munbia hilp muns, bara witin nani ai daukanka nani ra marikbia (Epe 4:22-24). Daukanka kau saurakira kum kabia sin, pura luaia dukiara Jehova hilpka makabaia sip ba wis, bara kasak lukbia hilp muns (Pil 4:13). Saurka ra kauhaisa taim, isti pali Jehova ra plikbia smalks. Hilp muns kaikaia ani piua nani ra saurka ra kauhaia sip ba, baku sin kupia buks ai daukanka saura nani watlika ra diara pain nani daukbia. Bara, stadi tatakrikam ba Jehova hilpka wal ai daukanka nani chens muni ba kaikma taim, uba lilia damra walma.
STADI TATAKRA NANI RA HILP MUNS DAUKANKA TÂSKI NANI SWIAIA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
Coral marihuana aubi kan win taim, ¿kangrigisan almukka nani bara Rita ba dîa daukan?
¿Coral ra hilp munaia dukiara Rita ba dîa daukan?
¿Jehova hilpka briaia dukiara Coral dîa daukan?