Mairin almuk nani ra yaptikam ra baku, bara tiara nani ra lamkra nani ra baku kulki bas

Baibil ba wisa wan muihni lakri almuk nani ra wan aisika yaptika baku kulkaia sa, bara wahma tiara nani ra wan muihni lakri nani baku (1 Timoti 5:1, 2 aisi kaiks). Kau pali waitna nani mapara tânka tara brisa kristian mairin nani ra kulkanka lâka bara rispik lâka marikaia ba.

Kristian waitna ba aima kumi sin kristian mairin kum wal triswaia apia sa bara yaka saura ai dara walbiara (Job 31:1). Kristian waitna mayas kum marit takaia lukanka âpu sa kaka, aima kumi sin kristian mairin mayas kum kupia dara walanka nani wal pulbia apia.

Kangrigisan almukka nani ba kristian mairin nani rispik lâka wal makabi walanka nani dauki ba apia kaka kupia kraukanka tânka tara bri nani dauki ba aman pali walaia sa. Bara kau pali kristian mairin nani ai maya waitna kum kaina kahbaia âpu ba ra main kaiki brisa (Rt 2:8, 9).

KANGRIGISAN BILARA LATWAN LÂKA PRURAS BA MARIKPI: PIARKA BARA RAU UPLIKA NANI RA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• 

  ¿Kangrigisan ba kristian mairin kum nina Myint ra nahki tnatka painkira ra latwan lâka marikan?

• 

  ¿Latwan lâka kangrigisan mita marikan ba nahki tnatka ra hilp munan lama uplika nani ba Jehova witniska nani dukiara lukanka yamni kum bribia?

• 

  ¿Muihni bara lakri nani latwanka lâka ba Myint luhpia mairin nani ra nahki yamni munan?

¿Man nahki marikaia sip sma ki kangrigisan muihni bara lakri nani ra lukisma ba?