¿Kristian mairin nani ba nahki kau daukaia sip sa?

Kristian mairin nani ba Gâd Kingka lâka dukiara diara ailal daukisa (Law 68:11). Witin nani ba Baibil stadika nani ailal yabi banhwisa, bara tâura smasmalkra nani kau aiska ba mairin nani sa. Wan kristian mairin nani tausin tausin ba karna wark takisa, Betel uplika, misan uplika, diara mâki wark uplika, bara bîla lalakra nani baku. Bara spirit lainka ra pâwan kristian mairin nani ba ai pamalika nani bara kangrigisanka nani plamaika banhwisa (S.L 14:1). Kristian mairin nani ba kangrigisan almukka apia kaka hilp mamunra nani takaia sip apia sa, kuna kangrigisan warkka wala nani lika sip sa daukaia. Baku, kristian mairin sma kaka, ¿dîa kau Jehova dukiara daukaia sip sma?

• Spirit lainka ra kau pâwaia (1Ti 3:11 TNM; 1Pi 3:3-6).

• Kristian mairin wala nani ra spirit lainka ra hilp munaia (Tai 2:3-5).

• Kau pain smalkaia bara kau tâ baikaia.

• Bîla aisanka wala lan takaia.

• Smalki tataukra nani kau nit pliska ra wih iwaia.

• Betel apiska ra wark takaia apia kaka diara mâkaia warkka daukaia wauhkataya ba ulbi dingkaia.

• King lâka Smalki nani Skulka ra waia wauhkataya ba ulbi dingkaia.

KRISTIAN MAIRIN NANI DAWAN DUKIARA KAU WARK TAKI BANHWI BA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Nahki naha kristian mairka nani ba kupiam bukan?