KRISTIAN RAYAKA KAT IWAIA
¿Samuil rayaka ba wina dîa lan takisa?
Samuil ba ai rayaka aiska ra Jehova ra kasak kan. Kau tuktan kan piua wina Elí luhpia nani —Hofní bara Finees— baku kaia apia wahbi sakan, witin nani daukanka saura pali bri kan (1Sa 2:22-26). Samuil pâwi auya kan, bara Jehova hilpka bri kan (1Sa 3:19). Bara, almuk takan taim, ai luhpia nani ba Jehova kupia lâka daukras kan, kuna witin lika Jehova ra ban kasak kan (1Sa 8:1-5).
¿Samuil rayaka ba dîa lan wan daukisa? Man wahma tiara sma kaka, sip sma kasak lukaia, Jehova nu sa dîa trabil nani brisma ba, bara nahki damra walisma ba sin. Witin hilp mai munbia kupia karna lâka briaia (Ais 41:10, 13). Man luhpiam Jehova wina laihura wan kaka, Samuil ai luhpia nani ra Gâd kupia lâka daukaia sip taibi munras kan ba kaiki, maisa nihkanka briaia sip sma. Samuil ai trabilka nani ba Jehova mihta ra swin, witin ra ban kasak kan, bara ai kupia lilia daukan. Ban kra sip kabia aisa yapti nani daukanka pain nani ba kaiki, luhpia nani ba kli Jehova ra tawi balaia.
WITIN NANI WINA LAN TAKS: SAMUIL LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Samuil ba tuktan kan taim, nahki kupia karna lâka marikan?
¿Danny ba nahki kupia karna lâka marikan?
¿Samuil ba almuk takan taim, dîa daukanka yamni marikan?
Diara kasak dauki nani ra Jehova hilp munisa.
¿Danny aisika bara yaptika ba dîa daukanka yamni nani marikan?