Stadi tatakra nani ra hilp muns pâna saura nani wal taukaia apia

Wan Baibil stadi tatakra nani ba Jehova pânika kaia want sa kaka, ai pânika nani pain wahbi sakaia sa (Law 15:1, 4). Pâna pain nani ba hilp munbia dîa pain nani ba daukaia (S.L 13:20; lff smalkanka 48).

Pâna saura nani wina sait ra kaia dukiara, stadi tatakrikam nani ra hilp munma taim, nahki ai dara wali ba ra luks. Kan ban kra witin nani mapara sip sa karna kaia, ai pânika almuk nani swiaia. Baha mita, kasak witin nani ra lukisma ba piua bani mariki bas. Sip sa bîla kum ulbi blikaia, winaia, apia kaka wirâ wih kaikaia. Stadi tatakra nani spirit lainka ra pâwi wabia kaka, muihni lakri nani wal taim luaia paiws. Baku, witin nani kaikbia, dîa lus tiwan ba watlika ra kau diara ailal bribia (Mk 10:29, 30). Jehova pamalika nahki pâwi ba kaiki, man sin uba lilia kama.

STADI TATAKRA NANI RA HILP MUNS PÂNA SAURA NANI WAL TAUKAIA APIA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Pâna saura nani ba dîa sa ki? (1Ko 15:33).

• ¿Jehova witniska nani dîa sât liliaka dauki ba dukiara, Coral nahki luki kan ki?

• ¿Rita ba Coral ra nahki hilp munan ai pânika nani chens munbia dukiara?