¿Internet ra pâna nani brisma ba wal kakaira sma ki?

Pâna kum ba sika upla kum upla wala wal asla taki, latwan kaiki ba. Debit Janatan wal ai pânika taki banhwan Goliat ra ikan ba ningkara (1Sa 18:1). Kumi bani ba pana pana ai painka nani ba ra kaiki kan, bara ai pânika lâka ba karna kabia dauki banhwan. Baku ba mita, pâna pain kum briaia kaka, uplika ba ra pain kakaira takaia sa, bara baha ba piua ailal bara karna trai munaia nit sa. Ban sakuna, redes sociales ra “pâna nani” sakaia sip sa clic kum wal baman. Internet ra isi sa upla nani ba rait pali dîa sât uplika sapa ai dahra yukukaia, upla wala nani witin nani dukiara ani pitka kat nu takbia ai mihta ra sa. Baha mita, Internet bâk pâna nani wahbi sakaia kaka, lâka nani kum kum mangkaia sa. Kakaira apia uplika kum man wal pâna takaia paiwanka kum mai blikisa taim, ai mina prukbia apia kaka ai kupia batakbia sîa, “apia” wiaia si bripara. Trabil ailal bâra ba mita, upla kum kum lukisa red social kumi sin yus munaia want apia. Kuna, man kum yus munaia want sma kaka, ¿dîa ba luki kaia sma?

INTERNET RA PÂNA BRISMA KAKA, DÎA BA NU KAIA SMA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• 

  ¿Lilka nani bara ulbanka nani kau sunras kainara dîa lukaia sa?

• 

  Internet ra pâna nani wahbi sakisa taim, ¿dîa muni aman kaikaia sa?

• 

  ¿Dîa muni redes sociales ba uba pura lui taimka ba yus munaia apia sa? (Epe 5:15, 16).