Traika kaikanka sut ba tnata alkisa

Traika kaikanka nani mita isi pali sa wan lukanka batakaia, kau pali uba piua wihka ra sa kaka. Debit nu kan Saúl wal ai trabilka bri kata ba ban kaia ra kabia apia, bara Jehova dîa pramis munan ba kat witin king aimakai kan (1Sa 16:13). Ai kasakka lukan lâka bri kan ba mita Debit ra hilp munan ai kupia alki takaski bri, bîla kaikaia Jehova mita alki daukbia ba kat.

Traika kaikanka tilara sa taim, tânkira bara sins lâka wal taukaia sa, wan sinska pain yus muni, trabilka ba wapnika mangkaia sa (1Sa 21:12-14; S.L 1:4). Ban sakuna, yawan dîa sip ba kat Baibil smalkanka ba bîla wali dauki kabia kra sin, trabilka nani kum kum ba danh takras sa. Baku takisa taim, Jehova mihta ra swih, wan kupia alki takaski bîla kaiki kaia sa. Tisku pali, witin pât wahwanka nani ba danh daukbia, bara “[wan] nakra laya ba sut dikbia” (Par.M 21:4). Ban kra Jehova mita, apia kaka diara wala mita traika kaikanka nani yawan bri ba isti tnata mangkbia. Kuna yawan kasak luki kaia sa traika kaikanka nani sut ba ban kaia dukia nani apia sa. Baha tânka brisa taim, wan maisa nihkisa.

TAR BAIWAN TASBAYA KUM RA TAWAN KUM ASLA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Estados Unidos waupasa tani ra Jehova witniska ailal nani ba dîa trabilka nani wal prawi banhwan?

• ¿Dîa tnatka ra kupia alki takaskaia lâka bara latwan lâka ba dauki mariki banhwan?

• ¿Muihni lakri nani mapara dîa ba kau tânka tara bri kan ki? (Pil 1:10).