BAIBIL WINA DIARA MANAKIRA BA

Ya wal marit takma pain wahbi sâks

Salaman sinskira wahbi sakras kan, kan gâd bahki nani ra mayuni mairka nani wal marit takan (1Ki 11:1, 2; w18.07-S 18 baiki s. 7).

Salaman maya mairin nani mita munan tawa tawa Salaman kupia ba Jehova wina laihura takbia (1Ki 11:3-6; w19.01-S 15 baiki s. 6).

Jehova Salaman ra saura pali kaikan (1Ki 11:9, 10; w18.07-S 18 baiki s. 9).

Lilka nani kristian mairin mayas kum Baibil stadi taki bara kristian waitna mayas kum ra luki ba. 1. Kristian waitnika ba kangrigisan aidrubanka kum ra aisanka kum yabisa. 2. Kristian waitnika ba upla ailal lui pliska ra bûi smalkisa. 3. Kristian waitnika ba Aidrubanka Watla main kaikaia warkka daukisa.

Baibil ba kristian mayas nani ra smalkisa, “lalukra” wal baman marit takaia (1Ko 7:39). Sakuna, tânka apia sa upla kum ra pat tahbi daukan ba mita maya waitna pain kum apia kaka maya mairin pain kum kaia sip sa. Silp mamkabi wals: “¿Witin ba kupi aiska wal Jehova warkka daukaia dukiara hilp ai munbia ki? ¿Witin Jehova ra rait latwan kaiki ba pat piua wihka marikisa ki?”. Upla kum wal marit takaia kau pramis munras kaina ra, witin ra pain kakaira takaia dukiara taimkam sâks.