BAIBIL WINA DIARA MANAKIRA BA
Yawan dukiara karna wark taki banhwisa
Impaki pura kakaira bara ai maya mairin nani ba latwan wan kaiki ba mita, yawan dukiara sakripais manis daukisa. Witin nani sin yawan baku sam taim, swapisa, sari takisa, apia kaka wari takisa (Je 5:17). Ban sakuna, witin nani ba wik bani kangrigisan ra wih kaikisa taim, muihni lakri nani ra kupia bukaia dukiara ai sinska mangkisa. ¡Impaki pura kakaira nani ra “aima wâl prais” kulkanka yabaia sa! (1Ti 5:17).
Apastil Pal Rom kangrigisanka ra “spirit hilpka” yabaia dukiara wih kaikaia lukan taim, ai brinka kan kupia bukanka briaia bara yabaia (Ro 1:11, 12). ¿Impaki pura kakaira bara ai maya mairin ra nahki kupia bukaia sip sma ba ra, aima kum pat lukram sa ki?
TAWAN SIRPI NANI RA IMPAKI PURA KAKAIRA WARKKA BA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Impaki pura kakaira bara ai maya mairin nani ba kangrigisan ra latwan kaiki ba mita dîa sât sakripaiska nani daukisa ki?
¿Impaki pura kakaira bara ai maya mairin nani ba man ra nahki hilp mai munan sa ki?
¿Witin nani kupia bukaia dukiara yawan dîa daukaia sip sa?