2023: Bîla kaikanka ban bri bas | ¿Baibil dîa wisa?

2023 manka tâ kriki ba ra, wan rayaka bara wan pamalika ra diara yamni nani takbia yawan bîla kaikisa. ¿Kaina piua dukiara dîa muni diara yamni nani bîla kaikaia sip sa?

Baibil ba bîla kaikanka wankisa

Baibil wan marikisa naiwa piua trabilka nani ba, ban kaia ra lika bâra kabia apia, tisku wapni takbia. Baku sin ai ulbanka nani ra naku wan aisisa: “Bamna patitara piua wina dîa dîa Ulbanka ra aisin ba, baha lika yang nani ra ai smalkaia dukiara ulban [...] Ulbanka nani mita wan maisa nihki ba mita, wan kainara diara briaia ba luki kabia” (Roman 15:4).

• Baibil pramiska nani dukiara kau lan takaia want sma kaka, “La esperanza real de un mañana mejor” ulbanka ba aisi kaiks.

Bîla kaikanka kum naiwa piua ra hilp mai munaia sip ba

Baibil bîla kaikanka ba wan rayaka ra “grapin” kum baku sa (Hibru Nani 6:19). Bîla kaikanka ba kitbras kira bapi buaia dukiara hilp wan munisa; naiwa piua ra trabilka nani pura luaia, lukanka yamni nani briaia, bara lilia lâka rait aihwa ba briaia dukiara sin. Naha dukiara tânka kum kum nani ba kaiks:

• Baibil bîla kaikanka wanki ba waitna kum ra daukanka saura kum swiaia nahki hilp munan ba nu takaia dukiara, “Rayaki ra misbara kaiki kapri” lilkika ba kaiks.

• Wan uplika kum pruisa taim Baibil bîla kaikanka wanki ba nahki hilp wan munaia sip ba nu takaia dukiara, Wan uplika kum pruisa taim sari wahwanka ba lilkika ba kaiks.

Bîla kaikanka kum piua bani kau aihwa taki ba

Upla manis ba diara nani yamni takbia bîla kaikisa, sakuna rait pali baku takbia sapa nu âpu sa. Sakuna Baibil pramiska nani ra kasak lukaia sip sa. ¿Dîa muni? Wel Baibil pramiska nani ba Jehovaa mita wankan sa, kan witin “kunin aisaras” Gâdka kum sa (Taitus 1:2). Witin baman ai pramiska nani aimakbia yabaia karnika brisa; kan “witin dîa daukaia ba sut daukisa” (Lawana Nani 135:5, 6).

Baibil bîla kaikanka wanki ba ra man kasak lukaia sip sma. Mai paiwisa aman pali Baibil ulbanka nani laki kaikma, baku kasakkam lukan lâka ba kau karna takbia (Apastil Nani sturka 17:11). ¿Baibil klaska kum mana luha brin mai daukisa ki? ¡2023 manka ba liliakira tâ kriks!