¿Dîa muni pulitik lâka ba upla nani ra uba tar baikisa? | ¿Baibil dîa wisa?

Tasba aiska ra, kuntri ailal ra pulitik lâka mita tar baiwan lâka nani bâra sa. Mani 2022 ra, asla takanka kum nina Pew Research Center ba upla nani ra makabi walan bara nu takan, “19 kuntrika nani ra upla 65% ba lukisa, ai kuntrika ra upla nani pulitik daknika sât sât ra tâ baiki ba mita trabil ailal bâra sa”.

Man iwisma ba ra, ¿pulitik lâka ba mita upla nani ba tar baiwan lâka bâra sa ki? ¿Dîa muni baha ba takisa ki? ¿Wapni mangkaia sip sa ki? Baibil dîa wi ba kaiks.

Daukanka nani upla ra tar baiki ba

Kaina manis Baibil ba naha taimka dukiara ulban, bara “tnata yua nani” wisa. Upla manis kupia kumi lâka plikbia apia win, bara asla lâka ba âpu kabia.

• “Baku sin man nani tânka bri kaia sma, tnata yua nani ra piua karna nani balbia. Upla nani ba klauna ai dukiara baman luki kabia, [...] bara diara pain nani waihla kabia” (2 Timoti 3:1-3).

Upla manis karna trai munbia kra sin, gabamint nani dîa dauki ba pain wabia sip hilp munras sa. Upla ba lukanka sât sât bri ba mita trabil ailal bâra sa, bara asla wark taki wapnika mangkaia sip apia munisa. Baha nani sut ba marikisa Baibil prapit aisanka nani ba aimakisa.

• “Upla ba nahki karnika bri ba, ai walka ra saura munaia dukiara” (Smasmalkra 8:9).

Ban sakuna, Baibil ba baha trabilka nani nahki wapni mangkbia dukiara aisisa: pât wahwanka nani sut âpu daukaia sip uplika kum tâ bri gabamintka kum dukiara aisisa.

Tâ brabrira pain kum, wala nani yamnika ra luki ba

Baibil ba trabil nani wapnika mangkaia karnika bri tâ brabrira kum dukiara aisisa, bara witin baku wala âpu sa. Witin ba Jisas Kraist. Naha tasba aiska ra kupia kumi lâka bara asla lâka bri balaia dukiara, witin ra karnika yaban sa, bara daukaia sin ai brinka sa.

• “Kupia kumi lâka bara wapni kaia lâka, king aimaki piua nani ba sut ra, [...] ban kabia” (Lawana Nani 72:7).

• “¡Nisan nani sut ba, witin warkka daukbia!” (Lawana Nani 72:11).

Tâ brabrira pain kum ba sika Jisas, kan upla nani ra rait pali lukisa kau pali ya pât wahwi nani ra hilp munaia want sa.

• “Witin bui swaki sâkbia baha umpira nani makabi ba bara diara luha nani upla bui hilp munras nani ba. Bawikira nani ra ai kupia swapni bribia, bara umpira nani rayaka ba swaki sakan kabia. [...] baha mita taibi, saura muni nani ba mihta wina swaki sakan kabia” (Lawana Nani 72:12-14).

Jisas tâ bri gabamintka heven ra ba, wibia sa kaka, Gâd Kingka lâka dukiara lan takma mai paiwisa. Baku sin, baha gabamintka nahki hilp mai munaia sip ba, bara man nahki tâ baikaia sip sma ba sin tânka kaiks.

• ¿Gâd Kingka Lâka ba dîa sa ki? lilkika ba kaiks.

• “El Reino de Dios: un gobierno sin corrupción” ulbanka ba aisi kaiks.