¿Wan wîna tara yamnika dukiara Gâd Kingka lâka ba dîa daukbia?

“Nanara tasba aiska ra COVID-19 sikniska saura ba, siknis wala nani baku kaikisa, sakuna ban upla wîna tara ra ambuk munisa. Tasba aiska ra kli siknis saura wala balbia ba dukiara yawan ridi kaia sa.” (Tasba aiska ra upla wîna tara yamnika dukiara wark taki asla takanka tâ brabrira Daktar. Tedros Adhanom Ghebreyesus, 2023 mayo kati, yua 22).

Upla manis ba COVID-19 sikniska saura tâka ai sinska ra, bara ai wîna tara ra siknis nani takaskan nani mapara kau aiklabi sa. Gabamint bara upla wîna tara yamnika dukiara wark taki asla takanka nani ba, naiwa piua sikniska nani mapara bapi buaia sip apia sa kaka, tasba aiska ra kli siknis wala takbia taim, ¿ridi kaia bara bapi buaia sip kabia ki?

Baibil ba wan marikisa wan wîna tara yamni briaia dukiara dîa nit ba, gabamint kum wankbia bara naha gabamintka dukiara sin wisa: “kasbrika purara Gâdka ba king lâka kum bukbia” wibia sa kaka gabamint kum (Daniel 2:44). Baha gabamintka karnika mununhtara iwi nani ba wibia apia: ”‏Yang siknis sna”‏ (Aiseya 33:24). Upla sut siknis âpu kabia bara wahma tiara kum baku karnika bribia (Job 33:25).