¿Lalah trabilka nani wapnika mangkaia dukiara Gâd Kingka lâka ba dîa daukbia?

Tasba aiska ra upla manis mapara kati tnata alkuya taim, ai nitka nani sut aibapaia uba karna munisa. Bara naha ba piua bani kau karna takisa.

• Tasba aiska ra naha dukiara tânka pliki kaikia nu takan, “upla nani pedika ba nanara kau wiria sa”. Baha dukiara diara daukras kaka, “umpira lâka kau pâwbia, bara lalahkira nani baman kau pain iwaia sip kabia” bara “wark tatakra nani bara pamali nani ba ai nitka sut lika briaia sip apia kabia”.

¿Lalah trabilka nani dukiara gabamint nani ba diara kum daukaia sip kabia ki, bara kau pali wapnika mangkaia sip kabia?

Baibil ba wisa gabamint kum bâra sa lalah trabilka nani bara umpira lâka ba wapnika mangkaia sip ba, bara baku daukbia. Naha gabamintka dukiara naku aisisa: “kasbrika purara Gâdka ba king lâka kum bukbia”, wibia sa kaka, naha tasba tâ briaia dukiara gabamint kumi baman bâra kabia (Daniel 2:44). Baha gabamintka karnika mununhtara, upla kumi ra sin lulki swibia apia bara wala nani ba wal kau mâyara kulkbia apia (Lawana Nani 9:18). Gâd Kingka lâka ba pramis munisa, ai karnika mununhtara iwbia nani ba lilia kaia dukiara dîa nit ba sut bribia. Upla sut ai mihta warkka nani mana bri lilia kabia (Aiseya 65:21, 22).