¿Tasba aiska ra war aiklabanka tara kum tâ krikaia baila sa ki? | ¿Baibil dîa wisa?

Lâs 30 mani luan bilkara, upla nani ba luki kan tasba aiska ra trabil nani ba wapni taki kan. Kuna naha maisa pakanka raya nani wali baha lukanka ba chens taki auya sa:

“Upla manis uba si brisa, Gaza tawanka ra war aiklabanka ba kau pâwbia. Kan Líbano piarkika ra Hizbulá bara Israel tawanka ba pana pana war aiklabi banhwisa” (Reuters, enero kati, 6 yua, 2024).
“Irán kuntrika ba Rusia bara China kuntrika ba wal kumi taki, muna tani tawanka nani mapara war aiklabaia lukisa. Irán suldawika nani ba plis sât sât ra wih war aiklabisa, bara isti pali naha kuntrika ba war aiklabaia dukiara programka nuclear kum bri kan ba kli alki yus munaia want sa” (The New York Times, enero kati, 7 yua, 2024).
“Rusia kuntrika ba Ucrania kuntrika mapara war aiklabi ba sauhkanka tara nani daukisa” (UN News, enero kati, 11 yua 2024).
“China kuntrika ra war daknika kau tara daukaia dukiara lalah trabilka taki ba, Taiwán kuntrika ra upla kau ailal ai iwanka tnatka sât wala brisa lukanka ba kau pâwi ba, bara Pekín wihki Washington tawanka ba pana pana pain waras ba tâka mita, tisku sip sa aiklabanka tara kum takaia” (The Japan Times, enero kati, 9 yua 2024).

¿Naiwa piua ra tasba aiska ra dîa kaiki ba dukiara Baibil diara kum aisisa ki? ¿Naha sât trabilka nani tâka tasba aiska ra war aiklabanka tara kum bukbia ki?

Naiwa piua ra dîa taki ba dukiara Baibil ba kaina manis wina prapit nani dahra aisan

Baibil ba naiwa piua ra taki war aiklabanka nani dukiara sitnika kat lika aisaras. Ban sakuna, naiwa piua ra “tasba aiska wina kupia kumi lâka ba” sâkbia trabilka nani dukiara prapit dahra aisan (Param Marikan 6:4).

Prapit Daniel ulban bukka ra aisan las tnata yua nani ra “piua ba balbia” tasba aiska ra karnika tara bri nisanka nani ba pana pana ai “mapara aiklabia” wibia sa kaka, tasba aiska karnika briaia dukiara baha aiklabanka ra ai karnika marikbia bara war aiklabaia dukiara lalah ailal pali “bara ai yuyaka” nani sut tikan kabia (Daniel 11:40, 42, 43).

War tara kum baila sa

Baibil ba wisa naha tasba trabilka nani ba kau saura takbia. Jisas ba naku win: “Kan baha piua ra pât wahwanka nani manis kabia, bara bahmuna patitara piua wina âpu kan, tasba paskan wina” (Matiu 24:21). Baha pât wahwanka tara piua ra Armagedan warka ba tâ krikbia, naha war aiklabanka ra nina mâkisa “Gâd witinka karnika sut bri ba yua tara warkka ba” (Param Marikan 16:14, 16).

Kuna Armagedan warka ba upla nani ra sauhki tikan kabia apia, kau ni baha war aiklabanka ba wal upla nani ra swaki sâkbia. Gâd naha tasba gabamintka nani ra âpu daukan kabia, kan witin nani tâka mita naha tasba ra war aiklabanka aihka pali nani takisa. Armagedan ban kaia ra kupia kumi lâka nahki brih balbia ba dukiara nu takaia want sma kaka, naha ulbanka nani ba aisi kaiks: