¿Internet uba yus munaia ba luhpiam nani ra ambuk munaia sip sa ki? | Baibil ba aisa yapti nani ra nahki hilp munisa

“Naiwa piua ra Internet uba yus munaia ba wahma tiara nani sinska mapara ambuk munaia sip sa” (Vivek Murthy, Stech kuntrika Wîna Tara Yamnika dukiara wark taki apiska tâ bri uplika kum, New York Times, junio kati 17, 2024 manka ra).

¿Nahki aisa yapti nani ba ai luhpia ra kaina kahbaia sip sa Internet yus muni ba wina trabil takaia sip ba mapara? Baibil hilpka yabi ba yus munaia sip sa.

Aisa yapti nani ba dîa daukaia sip sa

Kaikaia sip sma Baibil ra naha lukanka yabi ba.

“Tânkira watauki ba, ai mina nani taibi ba pain laki kaikisa” (Sins lâka 14:15).

Aisa yapti nani ba wahbi sakaia sa ai luhpia nani Internet yus munbia swibia sapa, kan Internet yus munisa piua ra trabil kum kum takaia sip sa. Baha mita, luhpiam nani kau Internet yus munras kainara sip sma witin nani ra smalkaia nahki tânkira Internet yus munaia sip sa bara witin nani baha awarka ba nahki yus munaia ba rispik munbia, baku sip kabia pâna saura nani wina ai kaina kahbaia.

• Kau nu takan mai daukisa kaka, naha ulbanka nani aisi kaikaia sip sma “¿Deberían mis hijos usar redes sociales?” bara “Enséñele a su hijo adolescente a usar con seguridad las redes sociales.”

“Piua brisma na pain yus muni bas” (Epesus 5:16).

Luhpiam nani ra Internet pliska nani yus munbia swisma kaka, lâ nani mangks bara nahki ai kaina kahbaia dukiara witin wal aisas. Aman kaiki bas luhpiam nani ai daukanka wal dîa mariki ba Internet pliska yus muni ba ra baku sip kama witin nani ra kau hilp munaia.

• “Ulbi daukan lilkika nani” tila wina naha lilkika yus munaia sip sma Internet ra pâna brisma kaka, dîa ba nu kaia sma, baku luhpiam nani tânka bribia dîa muni pain sa tânkira kaia Internet pliska nani yus munisa piua ra.

Kau nu takaia dukiara

Tânka bri kaia sa Baibil ba wan wisa “tnata yua nani ra piua karna nani balbia” (2 Timoti 3:1-5). Kuna baha tilara Baibil smalkanka nani piu sut ra hilp wan munisa wan trabilka nani mapara buaia. Wahma tiara nani ai wîna tara yamnika main kaikaia dukiara naha ulbi sakanka pîska ra sip kama smalkanka 20 pura kau sakaia, baha tilara lilkika nani Baibil ra ai plamaika bri ba aisa yapti bara luhpia nani dukiara.