Smalkaia warkka kau pain daukaia sip sa—Ya disaipil takaia want nani ra hilp muns

DÎA MUNI TÂNKA TARA SA. Upla kum ba tânka kasak ba pain walisa taim, Jehova mita daukisa baha uplika ba spirit lâka ra pâwbia (Ap.St 13:48; 1Ko 3:7). Upla nani dîa lan taki ba alki daukbia dukiara yawan hilp munisa taim, Jehova warkka ba yawan tâ baikisa (1Ko 9:26). Baibil stadi tatakra nani ba nu kaia sa, swaki sakan kabia dukiara, pas ba tahbi daukan lâka briaia sa (1Pi 3:21). Disaipil takbia dukiara, witin nani ra hilp munaia sa ai rayaka chens munbia, upla wala ra smalki bara lan daukbia, bara ai rayaka ba Jehova ra yabia (Mt 28:19, 20).

NAHKI DAUKAIA

• Baibil stadika yabisma uplika nani ra kupia krauks stadika ba Jehova ra kakaira takaia bara witin kupia lâka daukaia dukiara sa (Jn 17:3).

• Spirit lâka ra pâwbia dukiara, hilp muns daukanka saura nani ba swibia bara pâna saura nani ba.

• Spirit lâka ra karna dauks bara kupia buks, tahbi daukan kabia ningkara sin (Ap.St 14:22).

JEHOVA HILP MAI MUNBIA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Dîa tâwan upla kum ba ai rayaka yabaia bara tahbi daukan lâka sîa brisa?

• ¿Nahki almuk nani ba sip sa hilp munaia Baibil stadi tatakra nani ra spirit lâka ra pâwbia dukiara?

• ¿Jehova dukiara dîa wan smalkisa Aiseya 41:10?

• Yawan wapni pali apia kabia sin, ¿dîa daukanka nani ba hilp wan munbia Jehova kupia lâka daukaia?