Smalkaia warkka kau pain daukaia sip sa: Baibil stadi tatakra ba spirit lâka ra pâwras sa kaka stadika ba swiaia sa

DÎA MUNI TÂNKA TARA SA. Upla nani ba Jehova nina wini mâkaia sa swak takan lâka briaia dukiara (Ro 10:13, 14 [TNM]). Ban sakuna, Baibil stadi tatakra kum kum ba Jehova lâka nani bîla walaia want apia sa. Ba mita, wan taimka ba pain yus munaia dukiara, baha uplika nani rait ai rayaka chens muni Jehova kupia lâka daukaia want nani ra plikaia sa. Bamna, Baibil stadi tatakra kum ba piu aitani lui ba ra spirit lâka ra pâwras sa kaka, kau pain sa stadika ba danh yabaia apia bara Jehova ai lamara bara ai asla takanka ra bri bali uplika nani ra hilp munaia (Jn 6:44). Baku ba ra, stadi tatakra ba kau kainara ai daukanka ba chens munisa kaka bara “baha nani sut raya ban kaia lâka briaia” wilin nani tilara sa kaka, stadika ba kli yabaia sip sa (Ap.St 13:48).

NAHKI DAUKAIA.

• Stadi tatakra ra lilia bîla yabaia sa tânka kasak ba lan takaia brinka bri ba dukiara (1Ti 2:4).

• Witin ra kupia krauks dîa muni tânka tara sa lan taki ba alki daukaia (Lk 6:46-49).

• Latwan lâka wal, insla mâ mamangkra maprika lilka ba witin wal laki kaiks, bara kupia buks silp luki kaikbia dîa mita alki takaskisa ai tâura waia dukiara (Mt 13:18-23).

• Tânkira lâka wal wis dîa muni danh Baibil stadika yama apia.

• Telepono bâk winma wis apia kaka sam taim wih kaiki kama bara stadika ba kli yama dîa lan taki ba alki daukbia kaka.

LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Nahki stadi tatakra ba turi aisi kan ba wal marikan spirit lâka ra pâwras kan ba?

• ¿Smalki tataukra ba nahki stadi tatakra ra hilp munan ai tânka briaia ai rayaka chens munaia nit ba?

• ¿Smalki tataukra ba nahki stadi tatakra ra tânka marikan stadika ba kli kainara briaia dukiara?