¿Yang tahbi daukan lâka ra waia yabalka ba ani pitka kat wisna ki?
KRISTIAN RAYAKA KAT IWAIA
Jehova warkka daukaia wahbi sâks
¿Wahma tiara nani, man aihtabi takras smalki tataukra kum sma ki? apia kaka ¿Man ba Baibil stadi tatakra kum sma ki? ¿Tahbi daukan lâka briaia dukiara pat luki kaikram ki? ¿Dîa muni baha dukiara lukaia sma? Kan Jehova wal pâna lâka briaia ba Jehova ra rayaka yabi aihtabi takisa taim wina tâ krikisa, bara swaki sakan lâka yawan briaia sip kabia (Law 91:1; 1Pi 3:21). ¿Rayakam yabi aihtabi takaia dukiara dîa daukaia sma ki?
Tânka briaia sma dîa lan takisma ba kasak sa. Namhpa namhpa lukisma kaka, tânka pliki sâks (Ro 12:2). ¿Diara kum kum chens munaia nit sma? Chens munanka nani daukma kaka Jehova kupia lilia daukaia dukiara dauks (S.L 27:11; Epe 4:23, 24). Jehova ra hilpka makas bara kasak luks witin ai spiritka holikira wal karnika maikbia (1Pi 5:10, 11). Trai munaia ba manakira sa, kan kau wark pain kum âpu sa Jehova warkka daukaia ba wal (Law 16:11).
TAHBI DAUKAN LÂKA RA WAIA YABALKA BA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Tahbi daukan lâka briaia dukiara upla kum kum ba dîa sât trabilka nani pura luaia kan?
¿Jehova ra rayakam yabaia dukiara kasak lukan lâka nahki pakaia sip sma?
¿Manis ra dîa mita tukban sa aihtabi takaia dukiara?
¿Jehova warkka daukaia wahbi sakan nani ba dîa sât blisin nani bribia?
¿Jehova ra rayaka yabaia lâka ba dîa sa bara tahbi daukan lâka ba dîa sa?