KRISTIAN RAYAKA KAT IWAIA
Skul watla ra saura mai munisa kaka, Jehova ra tniws
Bulin munaia wibia sa kaka, skul watla ra wala nani mita tuktan kum ra saura munisa taim, tuktika wîna tara ra latwan yabisa, bara sinska ra kasak ambuk munisa. Sakuna wan kasak lukan lâka mapara bûi nani ra si brisa kaka, Jehova pânika lâka bri ba ra sin ambuk munaia sip sa. ¿Skul watla ra saura mai munisa kaka nahki kainam kahbaia sip sma ki?
Upla manis Jehova ra tniwan ba mita baha trabilka pura luaia sip kan (Law 18:17). Ester ba naha uplika nani tilara kan. Waitna saurakira kum nina Amán ba, Gâd uplika nani ra saura munai kan taim, witin ba kupia karna lâka marikan, bara naha waitnika saurka ba param sakan (Est 7:1-6). Kuna baku daukras kan kainara, Jehova ra tniwi kan ba marikaia dukiara plun piras kan (Est 4:14-16). Ester kupia karna lâka marikan ba mita, witin bara ai uplika nani ra, Jehova kaina kahbi, dîa daukan ba blisin munan.
Skulkam watla ra tuktan kum saura mai munisa kaka, Jehova ra hilp makas, bara dîa mai taki ba dukiara papikam, mamikam, apia kaka upla almuk wala ra wiaia sip sma. Kasak lukaia sip sma, Jehova Ester ra hilp munan ba baku man ra sin hilp mai munbia. ¿Tuktan kum saura mai munisa kaka dîa wala sin daukaia sip sma ki?
WAHMA TIARA SMA TAIM—¿SKUL WATLA RA SAURA (BULIN) AI MUNISA KAKA DÎA DAUKAIA SIP SNA? LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Wahma tiara nani ba Charlie bara Ferin wina dîa lan takaia sip sa?
¿Aisa yapti nani ba naha lilkika wina dîa lan takaia sip sa?