LISIN 5

Pain pali aisi kaikaia

1 Timoti 4:13

BÎLA PRAHNI RA: Wauhtaya kum ra dîa ulban ba kat bîlam baikra karna wal aisi kaiks.

Pain ridi taks. Baibil sturka kum dîa muni ulban ba tânka pliks. Bîla ailal asla aisi kaiki lan taks, bîla bani aisi kaikaia watlikara. Bîla wala kum dingkpara, baku sin bîla kum dakbaia apia sa. Ulbanka ra: coma, punto, signos de interrogación, bara wala nani bâra ba pain kaiks.

Pâmnika kum ra wis dîa aisi kaikisma ba mai walbia, bara ani bîla saura wiram ba mai wibia.
Bîla bani ulbanka ra pain aisi kaiks. Bîla tringsar kum nahki aisi kaikaia nu âpu sma kaka, ulbi sakanka grabacionka ba wals, apia kaka upla kum aisi kaiki lankira kum hilpka makas.
Klir aisas. Lamla buki bara bîlam ba pain kwâki dîa ba kat aisi kaiks. Trai kaiks sílaba nani sut (bîla pîska bani ulban ba) pain aisi kaikaia.

Bîla kum aisi kaikisma ba sât wala ra wipara. Kan baku daukma kaka, sât kum kabia.