¿Baibil walaia dukia ridi daukan ba wina yamnika aiska sakisma ki?

¿Baibil walaia dukia ba dîa sa ki? Naha walaia dukia ba Traducción del Nuevo Mundo kli laki kaikan Baibilka wina sakan sa, bara tawa tawa bîla aisanka manis ra takisa. Diara painkira kum ba sika Baibil ra taki uplika kumi bani ba dukiara bîla baikra sât sât yus munan sa. Baku sin, Baibil smalkanka nani ba dîa ba kat marikaia dukiara, tikska nani ra bîla baikra ba aitani kat yus munan bara ai dara walanka nani sin mangkan.

¿Baibil walaia dukia yus munisa taim dîa sât yamnika nani bâra sa? Manis mapara Baibil walaia dukia yus munaia ba, Baibil sturka nani ba rait iwan baku prais ai dara walbia hilp munan sa. Sturka ra taki uplika nani bîla baikra walisa taim, sturka ra dimi dîa takan ba kau pain ai tânka brisa (S.L 4:5). Bara wala nani bîla wisa, ai kupia turbisa taim naha walaia dukia nani ba âuyapah lâka yabisa (Law 94:19).

Baibil Gâd Bîla aisi kaikanka walaia ba sip sa ramyaka ra kasak hilp mai munaia (2Kr 34:19-21). ¿Man tânka brisma bîla aisanka kum ra Baibil walaia dukia aiska ba, apia kaka pîska kum ba paskan sa ki? Bâra sa kaka, ¿piua bani walaia bara yamnika sakaia trai munaia sip sma ki?

BAIBIL WALAIA DUKIA PASKI SAKANKA BA LILKIKA BA KAIKBIA NINGKARA, NAHA MAKABI WALANKA BA LAKI KAIKS:

¿Baibil walaia dukia paskanka ba wina dîa kau pali liliam sakisa?