Bawan lâka mariks

Baibil wina smalkanka ba: “Bawikira nani bas, bara kumi bani ai walka nani ba witin purkara kau pain sa kulkbia” (Pil. 2:3).

Pal dîa daukan ba

King Agripa, wihtka Festo bara Berenice mawanra Pal ba bûi, rispik lâka wal aisisa, bara witin ra roman suldiarka kum ba priski alki brisa.

LILKA: Pal king Agripa ra smalkisa

1. LILKA ba kaiks, apia kaka Apastil Nani Sturka 26:2, 3 aisi kaiki, naha makabi walanka nani laki kaiks:

¿Pal ba king Agripa wal aisan taim bawan lâka nahki marikan?
¿King Agripa Jehova bara Baibil ra kulkanka yabia dukiara Pal ba dîa daukan? (Apastil Nani Sturka 26:22 kaiks).

¿Pal dîa daukan ba wina yawan dîa lan takaia sip sa ki?

2. Yawan rispik lâka bara bawan lâka wal aisisa kaka, upla nani ba wan walaia kau wilin kabia.

Pal daukan baku dauks

3. Rispik lâka wal aisas. Upla wal aisisma taim, man ba upla wal kau diara nu sma baku pulpara. Kau ni rispik lâka wal aisas, baku uplika ba pain ai dara walbia.

4. Dîa smalkisma ba Baibil wina bali ba klir mariks. Gâd Bîla ba upla kupia kangbaia sip sa. Baha mita yus munisa taim, upla nani kasak lukan lâka karna kum bribia dukiara hilp munisa.

5. Piua bani kupia kumi lâka pliks. Raitkam brisma ba marikaia trai munpara. Kan yawan unsabaia dukiara upla watla ra waras. Kupiam alki takaskaia, bara unsabanka tâ krikras kainara mahka waia tnatka kum plikaia dukiara, bawan lâka ba hilp mai munbia (S.L. 17:14; Tai. 3:2). Kupia swapni wal uplika ra aisisma kaka, yu wala man wal aisaia kau wilin kabia.

NAHA TIKSKA NANI SIN LAKI KAIKS

Ro. 12:16-18; 1 Ko. 8:1; 2 Ko. 3:5