Tânkira bas

Pal dîa daukan ba

LILKA: Pal Atenas uplika nani ra smalkisa

1. LILKA ba kaiks, apia kaka Apastil Nani Sturka 17:22, 23 aisi kaiki, naha makabi walanka nani laki kaiks:

1. Atenas tawanka ba aidul lâka ni banhwan kan kaikan taim, ¿Pal ba nahki ai dara walan? (Apastil Nani Sturka 17:16 kaiks).

2. ¿Atenas uplika nani ra smalkan taim apastil Pal ba nahki tânkira lâka marikan ki?

¿Pal dîa daukan ba wina yawan dîa lan takaia sip sa ki?

2. Upla kum wal aisisa taim, yawan dîa aisi ba, nahki tnatka ra, bara ani piua ra aisi ba, aman laki kaikisa kaka, upla nani ba wan walaia wilin kabia.

Pal daukan baku dauks

3. Dîa aisaia lukisma ba pain wahbi sâks. Tânka kum baku, Baibil apia kaka Jisas dukiara lalukra apia uplika kum wal aisaia dukiara, ban kra tnatka wala plikaia nit kama.

4. Upla lukanka mahka wapnika mangkaia lukpara. Uplika dîa luki ba dukiara mai aisabia swis. Uplika dîa luki ba Baibil wal asla apia kabia kra sin, mapara aisapara (Je. 1:19). Aman pali walisma kaka, witin dîa kasak luki ba, bara dîa muni baku luki ba tânka briaia sip kama (S.L. 20:5).

5. Uplika dîa aisi ba pain kaikma kaka, bara sip kama taim, raitka yas bara bîla pain nani wal ai kupia buks. Upla kum wal aisisma taim, naha kupiam kraukaia pain kabia: “upla nani dîa kasak luki ba, ban kra ai kupia aiska ni pain sa lukisa”. Baha mita, upla kum wal aisaia tâ krikaia want sma kaka, pas ba, uplika wal sim lukanka kum pliks. Bara ningkara sip kama, Baibil dîa smalki ba ai tânka bribia dukiara tawa tawa hilp munaia.