Давидов псалм. Песна.
24 На Јехова му припаѓа земјата и сѐ што е на неа,+
светот и оние што живеат во него.+
2 Зашто, ја втемелил на мориња+
и ја зацврстил на реки.+
3 Кој може да се искачи на Јеховината гора+
и кој може да застане на неговото свето место?+
4 „Оној чии раце се невини и чие срце е чисто,+
кој не ја омаловажува Мојата душа+
и не се заколнува лажно.“+
5 Тој ќе добие благослов од Јехова+
и ќе биде праведен пред Богот на своето спасение.+
6 Тоа е поколението на оние што го бараат,
на оние што го бараат твоето лице, Боже Јаковов.+ (Села)
7 „Порти,+ подигнете ги своите глави!
Порти+ прастари, подигнете се
за да влезе славниот Цар!“+
8 „А кој е тој славен Цар?“+
„Јехова, силен и моќен,+
Јехова, моќен во бојот.“+
9 „Порти,+ подигнете ги своите глави!
Порти прастари, подигнете се,
за да влезе славниот Цар!“+
10 „А кој е тој, тој славен Цар?“
„Јехова над војските — тој е славниот Цар!“+ (Села)