Псалми

95 Дојдете, да му пееме радосно на Јехова!+

Да ѝ пееме победнички на Карпата на нашето спасение!+

 2 Да дојдеме пред неговото лице со благодарности,+

со победнички песни да воскликнуваме пред него!+

 3 Зашто, Јехова е голем Бог+

и голем Цар над сите други богови.+

 4 Во неговата рака се најскриените длабочини на земјата,+

нему му припаѓаат планинските врвови,+

 5 нему му припаѓа морето, кое го создаде,+

неговите раце го обликуваа копното.+

 6 О, дојдете, да паднеме ничкум* и да му се поклониме!+

Да клекнеме+ пред Јехова, својот Творец!+

 7 Зашто, тој е нашиот Бог, а ние сме народот на неговото пасиште и овците кои ги чува неговата рака.+

Ако денес го слушнете неговиот глас,+

 8 немојте да ги стврднувате срцата како кај Мерива,+

како во денот на Маса во пустината,+

 9 кога вашите татковци ме искушуваа.+

Ме испитуваа, а ги видоа моите дела.+

10 Четириесет години ми се гадеше од тоа поколение,+

и реков:

„Тие се народ со непостојано срце+

и не ги познаваат моите патишта“.+

11 За нив се заколнав во својот гнев:+

„Нема да влезат во моето почивалиште“.+