Псалми

64 Чуј го, Боже, гласот мој во грижата моја!+

Зачувај ми го животот од стравотијата на непријателот!+

 2 Скриј ме од тајните договори на злосторникот,+

од вревата на оние што прават зло,+

 3 кои го острат јазикот како меч+

и нишанат со своите стрели — со зборови остри+ —

 4 за потајно да го погодат непорочниот.*+

Ненадејно гаѓаат со стрела во него и не се плашат.+

 5 Упорно зборуваат лошо,+

зборуваат за тоа како скришум ќе постават замки.+

Велат: „Кој ги гледа?“+

 6 Смислуваат неправедни дела,+

ги држат во тајност лукаво смислените сплетки,+

а какви се однатре, во срцето — тоа длабоко го кријат.+

 7 Но Бог ненадејно ќе фрли стрела на нив.+

Зададени им се рани,+

 8 го спрепнуваат другиот,+

но нивниот јазик е против самите нив.+

Сите што ќе ги видат, нишаат со главата вџашено,+

 9 и сите земни луѓе ќе се исплашат,+

ќе зборуваат за она што Бог го прави+

и ќе ги запознаат неговите дела.+

10 А праведникот ќе му се радува на Јехова — тој ќе биде негово прибежиште.+

Ќе се гордеат сите што имаат справедливо срце.+