Псалми

135 Фалете го Јах!+

Фалете го името Јеховино,+

Фалете го Јехова, слуги негови,+

 2 кои стоите во домот Јеховин,+

во дворовите на домот на нашиот Бог!+

 3 Фалете го Јах, зашто Јехова е добар!+

Со песна фалете го неговото име, зашто тоа е прекрасно!+

 4 Зашто, Јах го избра Јаков за себе,+

Израел за своја најмила сопственост.+

 5 Знам дека Јехова е велик,+

нашиот Господар е над сите други богови.+

 6 Сѐ што сакаше Јехова да направи, направи+

на небото и на земјата, во морињата и во сите водни бездни.+

 7 Ја подига пареата од крајот на земјата,+

му прави сливници на дождот,+

го изведува ветрот од своите складишта.+

 8 Ги погуби првородените во Египет,+

и луѓето и животните.+

 9 Направи знаци и чуда среде тебе, Египете,+

врз фараонот и врз сите слуги негови.+

10 Погуби многу народи+

и уби моќни цареви:+

11 Сихон, аморејскиот цар,+

и Ог, васанскиот цар,+

и сите ханаански царства.+

12 И нивната земја му ја даде во наследство,+

во наследство на Израел, народот свој.+

13 Јехова, името твое останува довека.+

Јехова, споменот за тебе останува од поколение во поколение.+

14 Зашто, Јехова ќе ја води парницата на својот народ+

и ќе се сожали на своите слуги.+

15 Идолите на другите народи се сребро и злато,+

дело на рацете на земен човек.+

16 Уста имаат, но не зборуваат,+

очи имаат, но не гледаат,+

17 уши имаат, но не слушаат.+

И нема здив* во устата нивна.+

18 Како нив ќе станат оние што ги прават,+

сите што се надеваат на нив.+

19 Доме Израелов, благословувај го Јехова!+

Доме Аронов, благословувај го Јехова!+

20 Доме Левиев, благословувај го Јехова!+

Вие што се боите од Јехова, благословувајте го Јехова!+

21 Нека е благословен од Сион Јехова,+

кој живее во Ерусалим!+

Фалете го Јах!+