Псалми

138 Ќе те фалам со сето свое срце.+

Пред други богови ќе те славам со песна.+

 2 Ќе се поклонам кон твојот свет храм+

и ќе го фалам твоето име+

поради твојата милост*+ и поради твојата вистинољубивост.+

Зашто, својата реч+ ја направи повеличествена од своето име.+

 3 Во денот кога те повикав, ти ме услиши,+

ми ја исполни душата со смелост и ѝ даде сила.+

 4 Ќе те фалат, Јехова, сите земни цареви,+

зашто ќе ги чујат зборовите од твојата уста.

 5 И ќе пеат за Јеховините патишта,+

зашто голема е славата Јеховина.+

 6 Јехова е високо, а сепак го гледа понизниот.+

А надмениот го познава само оддалеку.+

 7 Ако чекорам среде неволја, ти ќе ми го зачуваш животот.+

Поради гневот на твоите непријатели, ќе ја испружиш раката,+

и твојата десница ќе ме спаси.+

 8 Јехова ќе го доврши она што го прави во моја корист.+

Јехова, твојата милост* трае довека.+

Не оставај го делото на своите раце!+