Псалми

14 Безумникот си вели во срцето:

„Не постои Јехова!“+

Тие прават зло,+ одвратни се нивните дела.

Нема човек што прави добро.+

 2 А Јехова ги гледа од небото синовите човечки.+

Јехова гледа за да види има ли некој што е разборит,* има ли некој што го бара него.+

 3 Сите застранија,+ сите се расипани,+

нема човек што прави добро,+

нема ниту еден.+

 4 Зар никој од оние што прават зло не научил ништо,+

ниту еден од оние што го јадат мојот народ како да е леб?+

Тие не го повикуваат Јехова.+

 5 Тогаш* ги обзеде голем страв+

зашто Јехова е со поколението на праведникот.+

 6 Вие сакате да ги срамотите намерите на страдалникот,

зашто Јехова му е прибежиште.+

 7 О, кога би дошло за Израел спасение од Сион!+

Тогаш кога Јехова ќе го врати својот заробен народ,+

нека се весели Јаков, нека се радува Израел!+