Псалми

79 Боже, народите дојдоа во твоето наследство,+

го осквернија твојот свет храм,+

а Ерусалим го претворија во урнатини.+

 2 Труповите на твоите слуги им ги дадоа за храна на небесните птици,+

телата на твоите лојални слуги — на земните ѕверови.+

 3 Нивната крв ја пролеаја како вода

насекаде по Ерусалим, и нема кој да ги закопа.+

 4 Станавме за срам пред своите соседи,+

за потсмев и за исмејување пред оние што се околу нас.+

 5 До кога ќе се гневиш, Јехова? Зар засекогаш?+

До кога ќе гори како оган твојата јарост?+

 6 Излеј го својот гнев врз народите што не те познаваат+

и врз царствата што не го повикуваат твоето име!+

 7 Зашто, го изедоа Јаков+

и го опустошија неговото живеалиште.+

 8 Заборави ни ги гревовите на нашите предци!+

Побрзај! Нека нѐ пресретне твојата милосрдност,+

зашто сме во голема мака.+

 9 Помогни ни, Боже на нашето спасение,+

заради славата на своето име,+

избави нѐ и покриј ги нашите гревови заради своето име!+

10 Зошто народите да велат: „Каде е нивниот Бог?“+

Пред наши очи нека дознаат+ народите

дека ја одмаздуваш пролеаната крв на своите слуги!+

11 Нека допрат до тебе воздишките на затвореникот!+

Со силата на својата рака зачувај ги оние што се одредени за смрт!+

12 И на нашите соседи врати им го седумпати во нивната пазува+

потсмевот со кој ти се потсмеваа тебе, Јехова!+

13 А ние, твојот народ и стадото на твоето пасиште,+

ние ќе ти благодариме довека,

од поколение во поколение ќе ја објавуваме твојата фалба.+