Молитва на Давид.
86 Приклони го увото, о Јехова! Услиши ме,+
зашто неволјата и маката ме притискаат.+
2 Чувај ми ја душата, зашто сум ти лојален.+
Ти си мојот Бог — спаси го својот слуга, кој има доверба во тебе!+
3 Смилувај ми се, о Јехова,+
зашто тебе те повикувам по цел ден.+
4 Развесели ја душата на својот слуга,+
зашто кон тебе, Јехова, ја подигам својата душа.+
5 Зашто, ти, Јехова, си добар+ и спремен да простиш,+
голема е твојата милост кон сите што те повикуваат.+
6 Приклони го увото кон мојата молитва, о Јехова,+
слушни го гласот на моите сесрдни молитви!+
7 Ќе те повикам во денот на својата неволја,+
зашто ти ќе ме услишиш.+
8 Никој меѓу боговите не ти е рамен, Јехова,+
и нема такви дела како твоите.+
9 Сите народи што ги создаде ќе дојдат+
и ќе се поклонат пред тебе, Јехова,+
и ќе го слават твоето име.+
10 Зашто, ти си голем и правиш чудесни дела,+
единствено ти си Бог.+
11 Поучи ме, о Јехова, за својот пат!+
Ќе одам во твојата вистина.+
Дај ми неподелено срце за да се бои од твоето име!+
12 Ќе те фалам, о Јехова, Боже мој, со сето свое срце,+
ќе го славам твоето име довека,
13 зашто голема е милоста што ми ја покажуваш,+
од гробот ја избави мојата душа, од неговиот најдлабок дел.+
14 О Боже, дрски луѓе се кренаа против мене,+
мноштво насилници ја бараат мојата душа+
и те немаат тебе пред своите очи.+
15 А ти си, Јехова, Бог милосрден и милостив,+
бавен на гнев+ и полн со милост и со вистинољубивост.+
16 Погледни ме и смилувај ми се!+
Својата сила дај му ја на твојот слуга+
и спаси го синот на својата робинка!+
17 Покажи ја врз мене твојата доброта
за да ја видат оние што ме мразат и да се посрамат.+
Зашто, ти, о Јехова, ми помогна и ме утеши.+