Псалми

5 О Јехова, отвори го увото+ за моите зборови,

слушни* ги моиве воздишки.

 2 Чуј го мојот лелек,+

Царе мој+ и Боже мој, зашто тебе ти се молам.+

 3 Јехова, наутро ќе го чуеш мојот глас,+

наутро ќе ти се обратам тебе и будно ќе чекам.+

 4 Зашто, ти не си Бог кој се радува на злото,+

злиот кај тебе не може да живее ни за кратко.+

 5 Фалбаџиите не можат да стојат пред твоите очи.+

Ти ги мразиш сите што прават зло,+

 6 ќе ги истребиш оние што кажуваат лаги.+

Јехова се гади од човек што пролева крв+ и мами.+

 7 А јас, поради изобилството на твојата голема милост,*+

ќе дојдам во твојот дом,+

во страв пред тебе ќе се поклонам свртен кон твојот свет храм.+

 8 О Јехова, води ме во својата праведност,+ и така зачувај ме од моите непријатели,+

својот пат израмни го пред мене.+

 9 Зашто, во нивната уста нема ништо веродостојно,+

однатре се полни со зло.+

нивното грло е гроб отворен,+

се служат со ласкав јазик.+

10 Бог навистина ќе ги смета за виновни,+

ќе пропаднат поради своите намери.+

Поради мноштвото нивни престапи, нека бидат расеани,+

зашто се побунија против тебе.+

11 Но ќе се радуваат сите на кои ти си им засолниште,+

ќе викаат радосно за навек.+

Ти ќе ги засолниш.

Оние што го сакаат твоето име ќе ликуваат поради тебе.+

12 Зашто ти, Јехова, ќе го благословиш праведникот.+

Како со голем штит+ ќе го закрилиш со својата милост.+