Она што го бараше беше чесноста

Една млада жена од Еквадор отишла на интервју за работа. Откако разговарала со другите кандидати — сѐ на сѐ 36 — сфатила дека нејзините шанси се мали. Тие имале работно искуство и универзитетско образование, додека таа немала ни едно ни друго. И од шесте прашања што ѝ биле поставени, таа две одговорила неточно. Меѓутоа, едно прашање било од лична природа: „Што е за Вас вистина?“

Жената одговорила: „Вистината не е апстрактен поим, туку нешто што треба да го живееме. Треба да ја зборуваме вистината и да не лажеме, зашто ако лажеме, се ставаме во друштвото на Сатана, Ѓаволот. Ако ја зборуваме вистината, му угодуваме на Бог и добиваме многу лични користи“.

Кога шефот прашал за религијата на жената, таа одговорила дека е Јеховин сведок. Следниот ден била известена дека таа била примена на работа. После еден месец, жената го прашала шефот зошто ја избрал неа, и тој ѝ рекол дека тоа било поради нејзината чесност.

Нели е вистина дека многу луѓе денес се нечесни? Од друга страна, луѓето кои ја почитуваат Библијата се забележани по нивната чесност. Стражарска кула од 1 јули 1995, рекла: „Во Библијата зборот ‚вистина‘ воопшто не е како апстрактниот, недостижен поим околу кој дебатираат филозофите“.

Ќе извлечете корист од редовното читање на Стражарска кула која ширум светот е забележана како застапник на библиската вистина. Ако сакате да добиете примерок или да имате бесплатна библиска студија дома, Ве молиме пишете на адреса: Јеховини сведоци, п. ф. 800, 91000 Скопје, или на соодветната адреса наведена на страница 5.