Еми Цеденов пат — приказната зад името

ВО мај 1992 година, една улица во градот Берлин (Германија) добила име по Еми Цеден, Јеховин сведок.

Еми е родена 1900-тата година. Се омажила за еден еврејски бизнисмен, Рихард Цеден, кој умрел во концентрациониот логор Аушвиц во текот на нацистичкиот режим. Рихард и Еми имале посвоен син, Хорст Шмит. Хорст и двајца други млади Сведоци на Јехова биле присилени да се кријат кога биле повикани за воена служба.

Еми ги засолнила Хорст и неговите двајца другари. Меѓутоа, со текот на времето биле откриени. Сите четворица биле осудени на смрт — тројцата момчиња заради тоа што одбиле воена служба, а Еми заради тоа што ги криела. На двајцата другари на Хорст им биле отсечени главите. Еми поднела молба за помилување, но била одбиена. На 9 јуни 1944 ѝ била отсечена главата на Плоцензее во Берлин.a Хорст Шмит го преживеал нацистичкото прогонство и подоцна се оженил со една жена Сведок која преживеала концентрационен логор.

На 7 мај 1992 година, една улица во Берлин добила име по Еми Цеден. Во еден говор кој го одржал еден германски службеник, била пофалена за нејзината храброст и била спомената како пример на многуте ‚заборавени жртви‘ на војната.

[Фуснота]