Тинејџерите против депресијата

ВО МЕКСИКО, учениците што оделе на курс по англиски јазик добиле задача да подготват говор на тема по свој избор. Марица раскажува: „Минував низ период на депресија, а нешто што ми помогна беа уводните статии од Разбудете се! од 8 септември 2001 [на македонски, 8 декември 2001], во кои е разработена темата: ‚Помош за депримираните тинејџери‘. За говорот ги искористив информациите од списанието, и добив одлична оценка. По говорот, на сите ученици и на професорките им дадов фотокопии од статиите“.

Две години подоцна, додека проповедала, Марица наишла на една девојка што оди на истиот курс по англиски. Марица била многу изненадена кога девојката ѝ покажала фотокопија од статиите од Разбудете се! за депресија кај тинејџерите. Изгледа дека професорката многу ги цени статиите, па затоа им дава фотокопии од нив на сите свои ученици!

Повеќе информации во врска со депресијата кај тинејџерите може да се најдат во книгата Младите прашуваат — делотворни одговори. Некои поглавја во таа книга се: „Зошто не се бендисувам самиот себе?“, „Зошто сум толку депресивен?“ и „Како можам да се ослободам од осаменоста?“ Можеш да ја нарачаш оваа книга ако го пополниш купонот подолу и ако го испратиш на адресата што е наведена на него или на една од адресите на 5. страница од ова списание.

□ Без никакви обврски, нарачувам еден примерок од книгата на сликава.

□ Ве молам, стапете во контакт со мене за бесплатно да ја проучувам Библијата.