Објавителите на Царството известуваат
Оние кои ја бараат вистината се одзиваат на неформалното сведочење
БИБЛИЈАТА нѐ известува дека лицата слични на овци ќе одговорат на гласот на Добриот Пастир (Јован 10:27). Тоа било случај во многу земји, вклучувајќи ја и Британија.
◻ На пример, во 1988, токму пред Божиќ, Памела, една од Јеховините сведоци, разговарала по телефон од својата канцеларија со еден трговец кој работел за истата фирма во друг дел од Англија. На крајот од разговорот, човекот прашал: ”Дали веќе се подготвивте за Божиќ?“ Памела рекла: ”Не!“ ”Зарем малку не доцните?“, запрашал соговорникот. ”Јас не славам Божиќ“, одговорила Памела. Човекот рекол дека тоа е необично и прашал зошто. Памела рекла дека таа е Јеховин сведок и му објаснила дека во Библијата не постои заповед да се слави Исусовото раѓање, а покрај тоа, Исус не бил роден на 25 декември. Освен тоа, Божиќ првобитно бил паганска прослава. Соговорникот рекол дека сето тоа звучи мошне интересно.
По три месеца Памела имала телефонски повик, и соговорникот рекол: ”Дали се сеќавате кога зборувавме пред Божиќ и кога ми рековте дека не славите Божиќ? Па, јас ја најдов вистисната!“ Тоа бил истиот човек, и објаснил дека две недели после Божиќ двајца Сведоци го посетиле дома. Тој ги поканил да влезат, и била започната библиска студија. Тој раскажал дека брзо напредувал во својата студија. Ѝ кажал на својата девојка со која жвеел дека нивниот начин на живеење не му се допаѓа на Јехова, и така се разделиле, а сега обајцата присуствуваат на состаноците во Царската сала.
На крајот од годината тие биле примени како некрстени објавители, а на почетокот од 1990 се венчале. Потоа заедно се крстиле. Прекрасен резултат од кусото, неформално сведочење по телефон!
◻ Јехова благословил една друга сестра која сведочела неформално во Англија. Кога еден човек од осигурителното дошол на нејзината врата, сестрата го прашала дали би сакал да има осигурено добро здравје, среќа и вечен живот. Тој рекол да и ја прашал за каква осигурителна полиса зборува. Кога од Библијата му било покажано Божјето ветување за вечен живот во Рајот на Земјата, тој зел примерок од книгата Ти можеш засекогаш да живееш во рајот на Земјата и ја прочитал сета книга за една ноќ. Кога повторно ја посетил сестрата, ѝ рекол дека информацијата била прекрасна — само кога би имал вера да поверува во тоа. Сестрата објаснила дека треба да ја проучува Библијата и да присуствува на состаноците во Царската сала. Била воспоставена библиска студија и тој почнал да доаѓа на состаноци. Се крстил во есен истата година. Само по една година се оженил со ќерката на сестрата која најпрвин му сведочела. ”И така“, вели сестрата, ”добив и брат и зет преку моето неформално сведочење!“
Факт е дека оние кои ја бараат вистината се одзиваат кога библиската вистина ќе биде соопштена преку неформално сведочење. Како што рекол Исус, неговите овци го слушаат неговиот глас.